სულაკაურის გამომცემლობა

ბაკურ სულაკაურის გამომცემლობა დაარსდა 1999 წელს. თავდაპირველად ის თანამედროვე ქართველი და უცხოელი მწერლების ნაწარმოებების გამოცემაზე იყო ორიენტირებული. დროთა განმავლობაში ბაკურ სულაკაურის გამომცემლობის საგამომცემლო პრიორიტეტები გაფართოვდა და პატარა ოჯახური ტიპის გამომცემლობიდან საქართველოს წამყვან გამომცემლობად იქცა, რომელმაც მნიშვნელოვანი წვლილი შეიტანა საგამომცემლო საქმიანობის განვითარებაში საქართველოში. ამჟამად ჩვენი ძირითადი საგამომცემლო პრიორიტეტებია: თანამედროვე ქართული და უცხოური პროზა, საბავშვო და საყმაწვილო ლიტერატურა, სასკოლო სახელმძღვანელოები და დარგობრივი ლიტერატურა. დღესდღეობით ბაკურ სულაკაურის გამომცემლობა ყოველწლიურად დაახლოებით ორასამდე წიგნს გამოსცემს, მათ შორისაა როგორც თანამედროვე ქართველი, ისე მსოფლიოში ცნობილი ბესტსელერების ავტორებისა და ნობელიანტი მწერლების ნაწარმოებები. ბაკურ სულაკაურის გამომცემლობა წიგნის გამომცემელთა და გამავრცელებელთა ასოციაციის აქტიური წევრია, მონაწილეობას იღებს წიგნის ყოველწლიურ ბაზრობებსა და ფესტივალებზე თბილისსა და ფრანკფურტში.

მოიძებნა 313 განცხადება
ჰარი პოტერი და ცეცხლოვ...
მთარგმნელი: ქეთევან ყანჩაშვილი„არ აქვს მნიშვნელობა, რად იბადება ადამიანი, მთავარია, რა გამოდის მისგან.“ ალბუს დამბლდორიმეოთხე სასწავლო წლის დაწყებამდე ჰარი პოტერი მეგობრებთან ერთად ქვიდიჩის მსოფლიო ჩემპიონატის ფინალს ესწრება, სადაც ბევრი დამაფიქრებელი ინციდენტი ხდება. ჰოგვორტსის სკოლა კი სიურპრიზით ეგებება მოსწავლეებს: რამდენიმე ასეული წლის შემდეგ პირველად იმართება სამი ჯადოქრის ტურნირი, რომელშიც სამი ჯადოქრული სკოლის ჩემპიონებმა უნდა იბრძოლონ გამარჯვებისთვის. ცეცხლოვანი თასის მიერ ამორჩეულ ჩემპიონებში ყველასთვის მოულოდნელად ჰარი პოტერიც ხვდება და დანარჩენ მონაწილეებთან ერთად სახიფათო და რთული დავალებების შესრულება უწევს, რომელთა დაძლევაც გამარჯვებულს სანუკვარი თასისა და ბევრად დიდი ხიფათისკენ უხსნის გზას…
17.90 სწრაფი ნახვა
ჰარი პოტერი და დაწყევლ...
მთარგმნელი: ქეთევან ყანჩაშვილიჰარი პოტერობა ყოველთვის რთული იყო და იოლი არც ახლაა – როცა მაგიის სამინისტროს საქმიანი მაღალჩინოსანი, ერთგული მეუღლე და სამი სასკოლო ასაკის შვილის მამა ხარ. სანამ ჰარი ყველანაირად ცდილობს, გაექცეს წარსულს, რომელსაც თავის ადგილზე დარჩენა არ სურს, მის უმცროს ვაჟს ალბუს სევერუსს იმ მძიმე ტვირთის მარტო ზიდვა უწევს, რასაც  სახელგანთქმული ჰარი პოტერის შვილობა ჰქვია.  წარსულში მომხდარი საშინელი უსამართლობის გამოსწორების სურვილი ყველაფერს თავდაყირა აყენებს და უფროს და უმცროს პოტერებს მიახვედრებს, რომ ბნელი ძალა შეიძლება ყველაზე მოულოდნელ კუთხეში ჩასაფრებული გველოდეს. ჯოან როულინგის, ჯონ ტიფანისა და ჯეკ თორნის ორიგინალურ ახალ ისტორიაზე დაფუძნებული „ჰარი პოტერი და დაწყევლილი ბავშვი“ ორნაწილიან პიესად ჯეკ თორნმა გადაამუშავა. ჰარი პოტერის მერვე ისტორია პირველია, რომელიც ოფიციალურად დაიდგა თეატრის სცენაზე. ეს სპეციალური გამოცემა სასცენარო ტექსტის ნაბეჭდ ვერსიას წარმოადგენს და კვლავ ჰარი პოტერის, მისი მეგობრებისა და ოჯახის კვალდაკვალ გვამოგზაურებს.სპექტაკლის მსოფლიო პრემიერა ლონდონის „უესტ ენდის“  თეატრში 2016 წლის 30 ივლისს შედგა.
15.90 სწრაფი ნახვა
ჰარი პოტერი და ფილოსოფ...
თქვენ წინაშეა ცნობილი მხატვრის, ჯიმ ქეის საოცარი ილუსტრაციებით გაცოცხლებული „ჰარი პოტერი და ფილოსოფიური ქვა“. ის პირველი წიგნია „ჰარი პოტერის“ ახალი, დასურათებული სერიისა, რომელმაც უკვე მოიპოვა მსოფლიო პოტერომანების აღიარება და სიყვარული. ჯიმ ქეის დაუვიწყარი ილუსტრაციები, რომლებიც ჩვენს საყვარელ პერსონაჟებსა და ამბებს კიდევ უფრო ახლოს გვაცნობს, ჯადოსნურ სამყაროში დაუვიწყარ მოგზაურობას გვპირდება.
59.90 სწრაფი ნახვა
ჰარი პოტერი და ფილოსოფ...
მთარგმნელი: მანანა ანთაძე„დაიმახსოვრე, ოცნებებში არ უნდა გადასახლდე და ცხოვრება არ უნდა დაივიწყო“ – ალბუს დამბლდორიჰარი პოტერის ცხოვრებას ჯადოსნურს ნამდვილად ვერ უწოდებ; ბიჭი სამოწყალოდ ცხოვრობს დერსლებთან – დეიდასთან, ბიძასთან და საძაგელ დეიდაშვილთან. მისი ოთახი კიბის ქვეშ მდებარე პაწაწინა საწყობია, დაბადების დღისთვის კი განსაკუთრებულ საჩუქარს არ ელოდება.მაგრამ სწორედ მე-11 დაბადების დღეზე ჰარი ბუს ფოსტით იდუმალ წერილს იღებს: წერილს, რომელიც დაუჯერებელ ადგილას – ჰოგვორტსის მაგიისა და და ჯადოქრობის სკოლაში – სასწავლებლად იწვევს. ჰარი მოულოდნელად საოცარ მაგიურ გარემოში აღმოჩნდება. ჯადოქრულ სამყაროში ყველამ იცის, რომ ჰარი რჩეულია – უდიდესი ჯადოქრის სასიკვდილო წყევლას გადარჩენილ ბიჭს დიადი საქმეები ელის წინ.
13.90 სწრაფი ნახვა
ჰარი პოტერი და აზკაბან...
მთარგმნელი: დავით გაბუნია„ესე იგი, შენ ყველაზე მეტად შიშისა გეშინია!“ – რემუს ლუპინითორმეტი გრძელი წლის განმავლობაში აზკაბანის ციხეში სახიფათო დამნაშავე – სირიუს ბლექი იჯდა. ბლექს, რომელმაც ერთი წყევლით ცამეტი ადამიანი დახოცა, ლორდი ვოლდემორის ერთგული სამსახურისთვისაც ადანაშაულებდნენ. მაგრამ იგი აზკაბანის საშინელ მცველებს როგორღაც დაუსხლტა, ციხიდან გაქცევა მოახერხა და ახლა ჰარი პოტერს ეძებს.საფრთხე რეალურია: სირიუს ბლექი დაჟინებით ცდილობს ჰოგვორტსში შეღწევას, რათა საბოლოოდ იძიოს შური აზკაბანში გატარებული თორმეტი წლისა და კიდევ უამრავი უცნობი მიზეზის გამო.
15.90 სწრაფი ნახვა
ჰარი პოტერი და ნახევარ...
მთარგმნელი: ქეთევან ყანჩაშვილი„როდესაც თავსატეხის ბოლო გასაღებიც გვექნება, იმედია, ორივესთვის ყველაფერი ნათელი გახდება.“ ალბუს დამბლდორიჰოგვორტსში მეექვსე სასწავლო წელი იწყება, ჯადოქრულ სამყაროში კი ბნელი ბატონის აღდგომასა და გაძლიერებასთან დაკავშირებული, ერთიმეორეზე საშინელი ამბები ვრცელდება. ჰარი პოტერი ალბუს დამბლდორთან ერთად ცდილობს, ჩაწვდეს ლორდი ვოლდემორის უკვდავობის საიდუმლოს და გადამწყვეტი ბრძოლისთვის მოემზადოს.ჰოგვორტსში სწავლა და ცხოვრება თითქოს ჩვეულებრივ გრძელდება. ჰარის შხამ-წამლებში მოულოდნელი დამხმარე ევლინება ნახევარპრინცის წიგნის სახით, ხოლო ბნელი ძალების მსახურნი სკოლის დაპყრობის გზებს ეძებენ.
მთავარი სიტყვა კი იდუმალებით მოცულმა ნახევარპრინცმა უნდა თქვას…
18.90 სწრაფი ნახვა
ჰარი პოტერი და საიდუმლ...
მთარგმნელი: დავით გაბუნია„ამ დღიურში საშინელი მოგონებები ინახება. ეს ამბები მიჩქმალეს. ჰოგვორტსის მაგიისა და ჯადოქრობის სკოლაში მომხდარ ამბებს ვგულისხმობ.“ ტომ მერვოლო რიდლიჰარი პოტერის მეორე სასწავლო წელს ჰოგვორტსში შემაძრწუნებელი ამბები ხდება: ორმოცდაათი წლის წინ მაგიისა და ჯადოქრობის სკოლაში მომხდარი ისტორია მეორდება – სტუდენტებს საშინელი, იდუმალი მონსტრი ესხმის თავს. საიდუმლო ოთახის ბინადარი მონსტრის მოძებნას ჰარი პოტერი მეგობრების დახმარებით ცდილობს.
14.90 სწრაფი ნახვა
ჰარი პოტერი და სიკვდილ...
მთარგმნელი: ციცო ხოცუაშვილი„როდესაც თავსატეხის ბოლო გასაღებიც გვექნება, იმედია, ორივესთვის ყველაფერი ნათელი გახდება.“ ალბუს დამბლდორიხანგრძლივი და მომქანცველი ომი, რომელმაც უამრავი სიცოცხლე შეიწირა, დასასრულს უახლოვდება…
19.90 სწრაფი ნახვა
მზე, მთვარე და პურის ყ...
„სიყვარულს ასე თუ ისე სიცხადე შეაქვს იმ გაუგებრობაში, თუ რატომ ებღაუჭებიან სიცოცხლეს გამწარებით ეს საცოდავი ადამიანები“.
თემურ ბაბლუანი, „მზე მთვარე და პურის ყანა“
(მანუშაკა მელოდება)ძალიან რთულია, დაამტკიცო შენი უდანაშაულობა, როცა კრიმინალები მოკვლით გემუქრებიან, პროკურატურისთვის მთავარია, საქმე გახსნილად გამოაცხადოს, „გამოვლენილი დამნაშავე“ გააციმბიროს ან თუნდაც დახვრიტოს. კიდევ უფრო რთულია, ნახევარი ცხოვრება სხვის მიერ ჩადენილი დანაშაულის გამო გაატარო ციხეში, სადაც შეიძლება ჭლექმა მოგიღოს ბოლო, თუ ვინმეს თვალში არ მოუხვედი, სიცოცხლეს გამოგასალმოს ან სულაც უბრალოდ ჭკუიდან შეიშალო. დიახ, რთულია. თუმცა ამ ყველაფრის გაძლება და მასთან ბრძოლაც კი შეიძლება, როცა იცი, რომ შენს დაბრუნებას ვიღაც, თუნდაც მხოლოდ ერთი ადამიანი ელოდება.
ცნობილი ქართველი რეჟისორის, თემურ ბაბლუანის „მზე, მთვარე და პურის ყანა (მანუშაკა მელოდება)“ სათავგადასავლო რომანია, რომელშიც აღწერილი ერთი თბილისელი ბიჭის დარდითა და ტკივილით სავსე ცხოვრების ამბავი ერთი ამოსუნთქვით იკითხება.
14.90 სწრაფი ნახვა
ჯინსების თაობა
1983 წელს რამდენიმე ქართველმა ახალგაზრდამ საბჭოთა საქართველოდან თვითმფრინავის გატაცება და ამ გზით ამერიკაში მოხვედრა სცადა. გულუბრყვილო მცდელობა წარუმატებელი აღმოჩნდა, რომელსაც  მსხვერპლიც მოჰყვა თვითმფრინავის ეკიპაჟის წევრებსა და მგზავრებს შორის. დაიღუპნენ გამტაცებლებიც, მათი უმეტესობა კი სასამართლოს წინაშე წარსდგა.ტერორიზმის ბრალდებით დაპატიმრებულ ახალგაზრდებს, ფეხმძიმე გოგონას გარდა, საბჭოთა ხელისუფლებამ სასჯელის უმაღლესი ზომა, დახვრეტა მიუსაჯა. სიკვდილით დასაჯეს ადამიანიც, რომელიც თვითმფრინავში საერთოდ არ მჯდარა, მაგრამ გამტაცებლების მეგობარი იყო.„თვითმფრინავის ბიჭების საქმე“ თანამედროვე, პოსტსაბჭოთა საქართველოში ჯერ კიდევ აქტუალურია. დღემდე კამათობენ იმაზე, სინამდვილეში ვინ იყვნენ ეს ახალგაზრდები: ჩვეულებრივი ტერორისტები თუ გმირები, რომლებიც საბჭოთა ხელისუფლებას დემონსტრაციულად დაუპირისპირდნენ.დათო ტურაშვილის წიგნი „ჯინსების თაობა“ სწორედ ამ ტრაგიკულ ისტორიას ეძღვნება.
7.90 სწრაფი ნახვა
პატარა ქვეყანა
„პატარა ქვეყანა“ ნახევრად ავტობიოგრაფიული ტექსტია: მასში მოთხრობილია თავად ავტორის და საქართველოს ბიოგრაფია ოთხმოცდაათიანი წლების დასაწყისიდან უახლეს პერიოდამდე. ამ მცირე ხნის განმავლობაში პატარა ქვეყანა საბჭოთა კავშირს გამოეყო, დამოუკიდებლობა მოიპოვა, ოთხი ომი და ერთი რევოლუცია გადაიტანა და ოთხი პრეზიდენტი შეიცვალა. ეს არის რომანი ცვლილებების, ილუზიებისა და შიშების შესახებ, რომელშიც ავტორი ჩვეული სარკაზმით მოგვითხრობს, როგორ ცხოვრობდა ხალხი ცვლილებებით სავსე ეპოქაში; რას ეგუებოდა და რას უძალიანდებოდა; რა მოსწონდა და რა – არა; როგორ შეირაცხა ახალგაზრდა მწერალი წმინდანის შეურაცხმყოფლად სატირული მოთხრობის გამო; როგორ გადაურჩა ეკლესიისგან განკვეთას და რა როლი შეასრულეს ამ აბსურდულ ამბავში პატარა ქვეყნის სამმა პრეზიდენტმა და საქართველოს მართლმადიდებელი ეკლესიის კათალიკოს-პატრიარქმა.
15.90 სწრაფი ნახვა
ამბავი ძველი დახვრეტილ...
ბესო სოლომანაშვილის რომანი „ამბავი ძველი დახვრეტილებისა და ამბავი ახალი დასახვრეტებისა“, რომელსაც ავტორი „ალუზიურ მისტიფიკაციას“ უწოდებს, მოგვითხრობს 1921 წელს საქართველოში განვითარებული მოვლენების შესახებ, როდესაც ქვეყანამ 1918 წელს მოპოვებული დამოუკიდებლობის შენარჩუნება ვერ შეძლო და ბოლშევიკებმა აქ თავიანთი ძალაუფლება დაამყარეს.რომანის პერსონაჟები ძალაუფლების მოპოვებისთვის მებრძოლი, დაუნდობელი ადამიანები არიან. რევოლუციისა და მისი თანმხლები ძალადობის ფონზე ვითარდება უცნაური გოგოსა და ჯალათად ქცეული ბიჭის სევდიანი სიყვარულის ამბავი…როგორ იქცევა ადამიანი ჯალათად? ვინ არის ის, მსხვერპლი თუ მოძალადე?!ეს წიგნი ქვეყნის დამოუკიდებლობის დაკარგვისა და ადამიანის ბედის გაუკუღმართების ტრაგიკულ ისტორიას მოგვითხრობს. ბესო სოლომანაშვილი კინო- და ტელერეჟისორია. ამავე დროს, ქართველი მკითხველი მას იცნობს, როგორც მწერალს. სხვადასხვა დროს გამოცემული აქვს სამი პროზაული კრებული. „ამბავი ძველი დახვრეტილებისა და ამბავი ახალი დასახვრეტებისა“ მისი პირველი რომანია.
15.90 სწრაფი ნახვა
კანიბალიადა
კანიბალიადაში“ მოქმედება მეოცე საუკუნის 90-იან წლებში, სამოქალაქო ომის დროს იწყება. „ეს არ არის წიგნი ომზე, ესაა წიგნი ადამიანებზე, რომლებიც ომს გამოექცნენ“, – გვეუბნება ავტორი. მართლაც, აქ ვერ ნახავთ საბრძოლო შეტაკებების, პოზიციური ბრძოლებისა და სანგარში ჩამარხული ჯარისკაცების ისტორიებს.ეს წიგნი არც გმირებზეა. ყოველი პერსონაჟი იმდენად გადაგვარებულია მორალურად, რომ მათი შეყვარება ძნელია. უცნაურია, მაგრამ სიძულვილს თანაგრძნობა გადაწონის.მეტიც, ეს წიგნი არც კულინარიაზეა, მიუხედავად იმისა, რომ აქ ჭამენ ყველაფერს – ჭამენ გემრიელად და წარბშეუხრელად… მიშა ბახსოლიანის რომანი „კანიბალიადა“ საქართველოს ალტერნატიული ისტორიაა. აქ თავმოყრილია ყველაფერი, რაზეც თვალს ვხუჭავთ – ის, რაც ომით მართლდებოდა და მართლდება. უშუქობა, გაჭირვება და „სუხარზე“ გადასმული მარგარინი „ონა“ წიგნის ნებისმიერ გვერდზე რეფრენივით მეორდება.მიშა ბახსოლიანი განათლებით კულტურის ისტორიკოსია. დღეს იგი კოპირაიტერად მუშაობს. მწერალი ორი პროზაული კრებულის ავტორია. სხვადასხვა დროს მიღებული აქვს ლიტერატურული პრემიები. „კანიბალიადა“ მიშა ბახსოლიანის პირველი რომანია.
11.90 სწრაფი ნახვა
სხვა ამსტერდამი
„ბავშვობიდანვე ვიცოდი, რომ ბაბუაჩემი მელენტი მასხულია მეორე მსოფლიო ომის დროს ჰოლანდიაში აღმოჩნდა, სადაც პარტიზანებს შეუერთდა ნაცისტების წინააღმდეგ ბრძოლაში. სწორედ ასე მეუბნებოდა დედაჩემი, რომელიც დაწვრილებით მიყვებოდა იმის შესახებაც, თუ როგორ გაიპარა მანამდე ბაბუაჩემი მელენტი საფრანგეთის ერთ-ერთი საკონცენტრაციო ბანაკიდან შვიდ ქართველ ტყვესთან ერთად. ომი რომ დამთავრდა, საბჭოთა კავშირში დაბრუნებული ბაბუაჩემი მოსკოვიდან პირდაპირ ციმბირში გააგზავნეს და იქ პატიმრობაში ათი წელი გაატარა. ალბათ ამიტომაც მეუბნებოდა მამაჩემი, რომ ბაბუაჩემი არა ფაშისტებს, არამედ კომუნისტებს ებრძოდა მთელი ცხოვრება და ამის გამო აღმოჩნდა კიდეც  შორეულ გადასახლებაში.ყველაზე საინტერესო კი ჩემთვის, რასაკვირველია, ბებიაჩემის ვერსია იყო, რომელიც ამტკიცებდა რომ ბაბუა, სინამდვილეში, არავის ებრძოდა (საერთოდ) და ამსტერდამში მხოლოდ იმიტომ მოხვდა, რომ იქ საყვარელი ჰყავდა, რომლის ბინაშიც ომის პრობლემებს ემალებოდა.ბებიაჩემს კი მაინც ვერსად დაემალა…“დათო ტურაშვილიდათო ტურაშვილის მორიგი რომანი მეორე მსოფლიო ომის დროინდელი ამბებისა და მწერლის ჰოლანდიური შთაბეჭდილებების ნაკრებია. ამ წიგნით ქართველი მკითხველი დაინახავს მისთვის ჯერ უცნობ, ისტორიულ თუ თანამედროვე ამსტერდამს და ჰოლანდიელებს.
12.90 სწრაფი ნახვა
ქართულის რვეულები
ეს წიგნი XIX საუკუნის საქართველოს მნიშვნელოვან მოვლენებსა და პიროვნებებს აცოცხლებს. აქ ვერ შეხვდებით ფაქტების დეტალურ აღწერას, ზუსტ თარიღებს, წყაროების მიხედვით დამოწმებულ ინფორმაციას. ავტორი მოგვითხრობს იმას, რაც უფრო მნიშვნელოვნად მოეჩვენა, ისტორიული თუ დოკუმენტური წიგნების კითხვისას გონებაში დაელექა და გულში ჩარჩა, რადგან როგორც თავადვე წერს: “მთავარი ხომ მაინც ის არის, რაც გულს სამუდამოდ დააჩნდება.” წიგნს ახლავს ხუთი ჩანართი – ისტორიული პიროვნებებისა და ადგილების ფოტოები, რომელთაგან ბევრი შეიძლება უცნობიც კი იყოს მკითხველისთვის.
15.90 სწრაფი ნახვა
საღეჭი განთიადები. უშა...
„რეალობა უკვე კარგა ხანია დაინგრა, მისი ხვრელებიდან ყოველდღიურად ჟონავს ქაოსი… მეშიახი კი აუცილებლად უნდა მოკვდეს. ეს ჩემი სტილია. მხოლოდ ასეთ სიკვდილს აქვს ძალა – შვას რევოლუციები. თან, ავატარები შეიძლება მოკვდნენ, მაგრამ გეიმერები არ კვდებიან.“„თუ ცეკვა ჭეშმარიტია, ის აუცილებლად რევოლუციით მთავრდება, თუ არა და დილისკენ ადამიანები ტოვებენ კლუბებს მწარე ატხადნიაკით და მელანქოლიით იმის გამო, რომ რევოლუცია ისევ არ შედგა.“„საღეჭი განთიადები უშაქროდ“ ზურა ჯიშკარიანის სადებიუტო რომანია, რომელიც კიბერპანკის ჟანრს განეკუთვნება და არეული ალგორითმების გამო, ციფრულ სამყაროში შემდგარი მეორედ მოსვლის შესახებ მოგვითხრობს. სანამ სასულიერო პირები რეალობას ჰაკავენ, რომ იქნებ რამენაირად შეაჩერონ პროცესი, „მოგზაურთა“ ჯგუფი მობილიზებას იწყებს, რათა სიმულაციაში გამომწყვდეული მესია დაიხსნას.ზურა ჯიშკაიანი პირველად მუსიკალური პროექტში “Kung Fu Junkie“ გამოჩნდა. წარმატებული აღმოჩნდა მისივე შექმნილი პირველი ქართულენოვანი ჩეთბოტი „კიბერ გალაკტიონი“. დღეს ზურა რამდენიმე გამოცემისთვის წერს, არის ჩეთბოტების დიზაინერი და ჰიპ-ჰოპ დუეტ kayakata-ს ერთ-ერთი წევრი. “ეს ის განთიადია, რომელშიც აპოკალიფსის სიმულაციაა დაწყებული.“დათო სამნიაშვილი
11.90 სწრაფი ნახვა
Maid in Tiflis
აკა მორჩილაძის Maid in Tiflisi ამბებითა და თავგადასავლებით დახუნძლული რომანია. ავტორი ამჯერად ორი თბილისელი ბიჭის თბილისურ მეგობრობაზე მოგვითხრობს.თორმეტი წიგნისგან შედგენილ რომანში თბილისურჰოლანდიურ-სანტაესპერანსულ-ლენინგრადული ამბები ძალიან ბუნებრივად და ჩვეულებრივად უკავშირდება და აგრძელებს ერთმანეთს.აქ წაიკითხავთ სრულიად სხვადასხვანაირად და ძალზე საინტერესოდ მოთხრობილ სასიყვარულო ამბებს ვარსქენ პიტიახშისა და დედოფალი შუშანიკის ისტორიიდან მოყოლებული პლეხანოველი მოგელასა და შირაზის ვარდის და ბარნოველი ლევიკოსა და ხუთი საბჭოელი ქალის თავგადასავლებით დამთავრებული.
15.90 სწრაფი ნახვა
მადათოვი ტრილოგია
XIX საუკუნის თბილისის კოლორიტული სურათები; მადათოვის კუნძულზე ნაპოვნი თბილისელი მამათმავლის გვამი – მკვლელობა, რომლის გამოძიებაც მრავალი დაფარული საქმის კვალს ააშკარავებს; უამრავი გამოგონილი თუ ისტორიულ-ლიტერატურული პერსონაჟი; პაროდია, იუმორი, ირონია, მწერლის საოცრად მრავალფეროვანი ენა; და ბოლოს – სრულიად ახალი რეალობა, რომლის მიხედვითაც ხვდები, რომ მადათოვის ოცდაათწლიანი ისტორია XXI საუკუნეში შექმნილი კომპიუტერული თამაში “მეჯიქ პოლისი” ყოფილა.მკითხველისთვის უკვე კარგად ნაცნობი და საყვარელი რომანები: “გადაფრენა მადათოვზე და უკან”, “გაქრები მადათოვზე” და “ვეშაპი მადათოვზე” 1998-2004 წლებში ცალცალკე გამოიცა და თითოეულმა მათგანმა მაშინვე მოიპოვა თვით ყველაზე პრეტენზიული კრიტიკოსების აღიარება. “მადათოვის ტრილოგიას” პროფესიონალი ლიტერატორები და გემოვნებიანი ლიტერატურის მოყვარულები ერთხმად ასახელებენ საეტაპო წიგნად და ყველა დროის ერთ-ერთ საუკეთესო ქართულ რომანად.
20.90 სწრაფი ნახვა
სამხრეთული სპილო
„სამხრეთული სპილო“ ურბანული რომანია, რომელშიც მოქმედება ერთი დღის განმავლობაში ვითარდება. რეჟისორი, რომელიც კინოს აღარასოდეს გადაიღებს, თავის ბინას მეგობარს უთმობს იქ საყვარელ ქალთან შესახვედრად, თავად კი, დრო რომ გაიყვანოს, თბილისის ქუჩებში დაეხეტება. ეს წარსულის სარკეში ჩახედვისა და საკუთარი ცხოვრების გადაფასების დღეა, სადაც კინოკადრებად ჩაირბენს ბავშვობა, სიყვარული, ვნება, ფათერაკები და ტრაგედიები. მთავარი გმირის მოგონებების ფონზე იშლება საქართველოს უახლესი ისტორია, რომელიც მთხრობელს მუდმივ აჩრდილად ასდევნებია და პასუხისმგებლობას აკისრებს იმაზე, რაც მის გარშემო ხდება.
არჩილ ქიქოძეს მკითხველი იცნობს, როგორც რამდენიმე პროზაული კრებულის ავტორს. მათგან ორს ლიტერატურული პრემიები – „გალა“ (2009) და „საბა“ (2014) მიენიჭა. „სამხრეთული სპილო“ არჩილ ქიქოძის პირველი რომანია.
15.90 სწრაფი ნახვა
ფალიაშვილის ქუჩის ძაღლ...
აკა მორჩილაძე დაიბადა თბილისში 1966 წელს. თბილისის სახელმწიფო უნივერსიტეტში ასწავლიდა საქართველოს ისტორიას, მუშაობდა ჟურნალისტად რამდენიმე გაზეთში. გამოცემული აქვს 20-ზე მეტი წიგნი. მიღებული აქვს არაერთი ლიტერატურული პრემია, მათ შორის 2003, 2005, 2006, 2008, 2012 წლებში პრემია „საბა” წლის საუკეთესო რომანისთვის. 2010 წელს მიიღო ილიას სახელმწიფო უნივერსიტეტის ლიტერატურული პრემია რომანისთვის „მამლუქი”.
„ფალიაშვილის ქუჩის ძაღლები” პირველად 1995 წელს გამოვიდა, 1999 წელს დაიდგა ახმეტელის თეატრში და წიგნმაც და სპექტაკლმაც უზომო პოპულარობა მოიპოვა. ინტერესი ამ საოცრად თბილი და ტრაგიკული ნაწარმოების მიმართ დღემდე არ განელებულა, პირიქით, რაც დრო გადის, უფრო მეტად პოპულარული ხდება.
10.90 სწრაფი ნახვა