ფასი -
დან-მდე
ნივთის მდგომარეობა
პრომოუშენი
მოიძებნა 522 განცხადება
ფაუსტი II / იოჰან ვოლფ...
მთარგმნელი: დავით წერედიანი დიდი გერმანელი მწერლისა და მოაზროვნის, იოჰან ვოლფგანგ გოეთეს (1749-1832) მრავალმხრივი შემოქმედება, დიდი ხანია, მსოფლიო ლიტერატურის კუთვნილებაა. მისი რევოლუციური შეხედულებებით, სიღრმითა და სარკაზმით გამორჩეული ნაწარმოებების უმეტესობაში სამყაროს ერთიანობისა და „მშვენიერი ადამიანის'' იდეაა ასახული. მწერალი მხოლოდ ბუნებას როდი აიგივებს ღმერთთან – თვით ადამიანს აღაზევებს ბუნება-ღმერთზე და მას მსოფლიო გონთან მებრძოლ არსებად წარმოადგენს. ეს იდეა გასდევს მისი შემოქმედების მწვერვალს, ეპოქალურ ნაწარმოებს – „ფაუსტს'', რომელსაც გოეთე თითქმის მთელი სიცოცხლის განმავლობაში წერდა.„ფაუსტის'' პირველი ნაწილი 1810 წელს გამოქვეყნდა, მეორე – 1832 წელს, მწერლის სიკვდილამდე ერთი წლით ადრე. თუ ტრაგედიის პირველი ნაწილი ხალასი პოეზიითა და ემოციურობით გამორჩეული შედევრია და ძირითადად მიჰყვება დოქტორ ფაუსტის ლეგენდას, მეორე ნაწილში გოეთე მეტ იმპროვიზაციას მიმართავს. ეს ნაწილი, თომას მანის სიტყვებით, „სანახევროდ ფეერიას წარმოადგენს და სანახევროდ – მსოფლიო ეპოსს, რომელშიც გერმანული ენის ყველა წყარო ჩქეფს“.დავით წერედიანმა ამჯერადაც ოსტატურად აამღერა ეს წყაროები ქართულად და შეგვიძლია „ფაუსტის“ მეორე, ნაკლებ დრამატულ და უფრო პოეტურ ნაწილს მშობლიურ ენაზეც გავეცნოთ.
15.90 სწრაფი ნახვა
პატარა თხუნელას ამბავი...
„პატარა თხუნელას ამბავი“ მთელ მსოფლიოში სახელგანთქმული საბავშვო წიგნის ქართული თარგმანია. მოთხრობა, რომელიც კარგა ხანია სხვადასხვა ქვეყნის ბავშვების საყვარელ საკითხავად იქცა, „დიოგენეს“ თანამედროვე საბავშვო წიგნების სერიას ხსნის.წიგნი პატარებს ხიბლავს მასში მოთხრობილი უჩვეულო, ტრადიციული საბავშვო წიგნებისაგან განსხვავებული ამბით და მოუსვენარი მთავარი გმირით - სიმართლის გარკვევის სურვილით შეპყრობილი პატარა თხუნელათი, რომელიც თანამედროვე საბავშვო ლიტერატურაში ერთ-ერთი ყველაზე პოპულარული პერსონაჟია.წიგნი სკოლამდელი და მცირე სასკოლო ასაკის ბავშვებისთვისაა განკუთვნილი. 
7.90 სწრაფი ნახვა
მიტანა მაღაზია: მაღაზია "დიოგენე"
მერი პოპინსი ბრუნდება
ინგლისურიდან თარგმნა ლელა დუმბაძემთქვენ ალბათ უკვე შეიყვარეთ მერი პოპინსი - მსოფლიოში ყველაზე ცნობილი ძიძა და ცოტათი გულიც დაგწყდათ, რომ ამ კლასიკური საბავშვო ნაწარმოების პირველი წიგნი მასთან განშორებით დამთავრდა. და აი, მერი პოპინსი დაბრუნდა, ბენქსების ოჯახს კიდევ ერთი ბავშვი შეემატა და საოცრებები გრძელდება!
16.90 სწრაფი ნახვა
მიტანა მაღაზია: მაღაზია "დიოგენე"
რუკები
ბოლო წლების საერთაშორისო ბესტსელერი, ყველაზე პოპულარული საბავშვო შემეცნებითი წიგნი „რუკები“ 2012 წელს შეიქმნა პოლონეთში და მოიცავს ეთნოგრაფიული, გეოგრაფიული, ზოოლოგიური, ბოტანიკური, ზოგადკულტურული ხასიათის ინფორმაციას მსოფლიოს მრავალი ქვეყნის შესახებ. „რუკები“ უნიკალურია კარგად გააზრებული იდეისა და დახვეწილი შესრულების თვალსაზრისით. ამ წიგნს იყენებენ როგორც სასწავლო-პედაგოგიურ გარემოში, ისე ოჯახში სხვადასხვა თაობის წარმომადგენელთა მიერ ერთობლივი კითხვისთვის. „რუკების“ მასალის გამოყენებით შესაძლებელია სხვადასხვა თამაშებისა და საგანმანათლებლო აქტივობების დაგეგმვა. 55 დიდი რუკა 46 ქვეყანასა და 6 კონტინენტს მოიცავს. ყოველ რუკაზე უამრავ საინტერესო ილუსტრაციას და მნიშვნელოვან ფაქტს აღმოაჩენთ, და აუცილებლად მოგინდებათ კიდევ უფრო მეტის გაგება. ზურგის ქარს გისურვებთ!
49.90 სწრაფი ნახვა
მიტანა მაღაზია: მაღაზია "დიოგენე"
ალი და ნინო
გერმანულიდან თარგმნა მაია მირიანაშვილმა. რომანში მოთხრობილია აზერბაიჯანელი არისტოკრატული ჩამომავლობის ჭაბუკის ალი შირვანშირისა და ქართველი თავადის ასულის ნინო ყიფიანის სიყვარულის ისტორია, რომელიც პირველი მსოფლიო ომისა და რევოლუციის ფონზე ვითარდება. რომანის გეოგრაფია მდიდარია - თბილისი, ბაქო,თეირანი... ეს ის ქალაქებია, რომლებსაც მწერალი დიდი ოსტატობით, ეპოქის, რელიგიური დაეროვნული თავისებურებების ღრმა ცოდნით აღგვიწერს. რაც შეეხება წიგნის ავტორს - დღემდე უცნობია ვინ იმალება ყურბან საიდის სახელის მიღმა,მიუხედავად იმისა, რომ ამ საკითხს არაერთი კვლევა მიეძღვნა. ერთი რამ უდავოა - „ალი დანინოს“ ავტორი სხვადასხვა ქვეყნისა და თაობის მკითხველებისთვის ერთნაირად ახლობელია.
11.90 სწრაფი ნახვა
მიტანა მაღაზია: მაღაზია "დიოგენე"
საზოგადოებასთან ურთიერ...
მრავალმხრივი და თანამედროვე ”საზოგადოებასთან ურთიერთობა: სტრატეგია და ტაქტიკა” ეხმარება სტუდენტებს, ჩასწვდნენ ძირითად ცნებებს, სტრატეგიებსა და ტაქტიკას, რომლებიც საზოგადოებასთან თანამედროვე ურთიერთობაში გამოიყენება. მეცნიერულ მეთოდებზე დაფუძნებული ეს გამოცემა განსაკუთრებულ ყურადღებას აპყრობს ახალი ტექნოლოგიებისა და ახალი მედიის შემოქმედებითად გამოყენებას. 
59.90 სწრაფი ნახვა
მიტანა მაღაზია: მაღაზია "დიოგენე"
გრძელფეხება მამილო
ინგლისურიდან თარგმნა ლია გუგუნავამ. ცნობილი ამერიკელი მწერლის, ჯინ ვებსტერის წიგნი „გრძელფეხება მამილო“ მოგვითხრობს ობოლი გოგონას ამბავს, რომელიც უცნობმა ქველმოქმედმა კოლეჯში გაგზავნა. ამ კლასიკად ქცეულ ეპისტოლარულ რომანს დღემდე სიამოვნებით კითხულობენ სხვადსხვა ასაკის მკითხველები მთელ მსოფლიოში.გამოცემა ორენოვანია – იგი ქართულ და ინგლისურ ტექსტებს აერთიანებს. წიგნს დართული აქვს ლექსიკონი, რომელიც დაეხმარება მკითხველებს ინგლისური ტექსტის უკეთ გაგებასა და ენის სრულყოფაში.
9.90 სწრაფი ნახვა
მიტანა მაღაზია: მაღაზია "დიოგენე"
გზაზე
ინგლისურიდან თარგმნა თამარ ჭილაძემ.ამერიკელი მწერალი და პოეტი ჯეკ კერუაკი (1922 - 1969) ბიტ-მოძრაობის პიონერია. „გზაზე“ კერუაკის საუკეთესო ნაწარმოებად ითვლება. რომანი ძალიან სწრაფად - სამ კვირაში დაიწერა, თუმცა მისი გამოქვეყნება ავტორმა მხოლოდ შვიდი წლის შემდეგ - 1957-ში მოახერხა.

„გზაზე“ ავტობიოგრაფიული წიგნია. სალ ფარადაიზი (რომლის პროტოტიპი თავად ჯეკ კერუაკია) შეერთებულ შტატებსა და მექსიკაში მოგზაურობს. მისი ლეგენდარული ოდისეა ამერიკული ლიტერატურის კლასიკად იქცა. წიგნი, რომელსაც გამოქვეყნებისას კრიტიკოსების უარყოფითი გამოხმაურება მოჰყვა, დღეს მეოცე საუკუნის ასი საუკეთესო ინგლისურენოვანი რომანის სიაშია შეტანილი.
13.90 სწრაფი ნახვა
მიტანა მაღაზია: მაღაზია "დიოგენე"
კირჩხიბის ტროპიკი
ინგლისურიდან თარგმნა თამარ ჯაფარიძემ.„კირჩხიბის ტროპიკი“, მეოცე საუკუნის ერთ-ერთი ყველაზე ექსცენტრიკული და თამამი მწერლის, ჰენრი მილერის (1891-1980) სკანდალური რომანი, მისი სხვა წიგნების მსგავსად, დიდწილად ავტობიოგრაფიულია. რომანი გასული საუკუნის 30-იან წლებში პარიზში მცხოვრები, უფულობითა და შიმშილით გატანჯული ავტორის მონოლოგია.წიგნი პირველად 1934 წელს პარიზში გამოიცა და მილერის თანამედროვეთა - მათ შორის სემუელ ბეკეტისა და ჯორჯ ორუელის - დიდი მოწონება დაიმსახურა. პორნოგრაფიულობასა და ამორალურობაში ბრალდების გამო მწერლის რომანები მის სამშობლოში კარგა ხანს აკრძალული იყო. „კირჩხიბის ტროპიკი“ შეერთებულ შტატებში მხოლოდ 1961 წელს გამოიცა.
13.90 სწრაფი ნახვა
მიტანა მაღაზია: მაღაზია "დიოგენე"
სრული გასხივოსნება
ინგლისურიდან თარგმნა გია ჭუმბურიძემ.25 წლის ჯონათან საფრან ფოერის (1977) ამერიკულ ლიტერატურაში გამოჩენა იმდენად შთამბეჭდავი იყო, რომ მის შესახებ არათუ რიგითი კრიტიკოსები, პროზის დინჯი და სიტყვაძუნწი ოსტატებიც კი აღფრთოვანებით წერდნენ. 2002 წელს გამოქვეყნებულ სადებიუტო რომან ”სრულ გასხივოსნებას” ჯონ აპდაიკმა ”გამაოგნებელი წიგნი” უწოდა.ეს არის გამქრალი ებრაული დასახლება ტრახიმბროდის, ამ დასახლების საძებნად უკრაინაში ჩასული ამერიკელისა და უხეირო ინგლისურით მოლაპარაკე მისი ოდესელი თარჯიმნის ისტორია, მოთხრობილი მეტად უცნაური და სასაცილო ენით. 
14.90 სწრაფი ნახვა
მიტანა მაღაზია: მაღაზია "დიოგენე"
ფლობერის თუთიყუში
ინგლისურიდან თარგმნა ნინო ქაჯაიამ.„რატომ გვაქეზებს ნაწერი, რომ მწერალს ავედევნოთ? რატომ ვერ ვეშვებით? წიგნებს რატომ ვერ ვჯერდებით? ფლობერს უნდოდა, წიგნები გვეკმარა: სულ ერთი-ორი მწერალი თუ მოიძებნება, მასზე მეტად რომ სჯეროდეს ნაწერის ობიექტურობა და მწერლის პიროვნების უმნიშვნელობა; თუმცა ჩვენ მაინც ვჯიუტობთ, თავს არ ვანებებთ.“ ეს ჯეფრი ბრაითუეიტის, ხანში შესული ექიმისა და ფლობერის შემოქმედების მოყვარული მკვლევრის სიტყვებია, რომელიც მთელი წიგნის მანძილზე გენიოსის ცხოვრების დეტალებს უღრმავდება და მათზე მსჯელობს.ეს წიგნი შეიძლება გუსტავ ფლობერის უჩვეულო ფორმის ბიოგრაფიად ჩაითვალოს, შეიძლება - ერთი ახირებული კაცის მსჯელობად მწერლობაზე. ნებისმიერ შემთხვევაში ეს ნამდვილი ლიტერატურაა.
9.90 სწრაფი ნახვა
მიტანა მაღაზია: მაღაზია "დიოგენე"
მწვანე გზა
ინგლისურიდან თარგმნა ნიკა სამუშიამ.რომანი „მწვანე გზა“ მოხუცთა თავშესაფარში მცხოვრები პოლ ეჯკუმის - ციხის სიკვდილმისჯილთა ბლოკის ყოფილი ზედამხედველის  მონათხრობია, რომელიც ორმოცდაათი წლის წინათ  მომხდარ ამბებს იხსენებს.წიგნი 1996 წელს გამოქვეყნდა. ამავე წელს „მწვანე გზას“ ბრემ სტოკერის სახელობის პრემია მიენიჭა, როგორც საუკეთესო რომანს. 1999-ში წიგნის მიხედვით ცნობილი ფილმი გადაიღეს, რომელშიც მთავარი გმირის როლს ტომ ჰენკსი ასრულებს.
12.90 სწრაფი ნახვა
მიტანა მაღაზია: მაღაზია "დიოგენე"
მიზერი
ინგლისურიდან თარგმნა ლალი გოგაძემ.ავტოავარიაში მოხვედრილ ცნობილ მწერალ პოლ შელდონს ყოფილი მედდა, ენი უილკსი გადაარჩენს. ენი შელდონის თაყვანისმცემელია. მას გონებადაკარგული პოლი თავისთან, გარესამყაროსაგან მოწყვეტილ სახლში მიჰყავს. შელდონი მალევე  ხვდება, რომ ტყვეობაშია.  ქალი მწერლისგან რომანის დაწერას მოითხოვს. პოლ შელდონი თავს გრძნობს „ათას ერთი ღამის“ პერსონაჟად, რომელმაც სიცოცხლის შესანარჩუნებლად ისტორიები უნდა შეთხზას. ამ რომანის სათაურს ორმაგი მნიშვნელობა აქვს: ერთი მხრივ, მიზერი პოლ შელდონის წიგნის გმირის სახელია, მეორე მხრივ, ინგლისურად ტანჯვას, უბედურებას, განსაცდელს ნიშნავს.  „მიზერი“ სტივენ კინგის პირველი რომანია, რომელიც ქართულად ითარგმნა. 
12.90 სწრაფი ნახვა
მიტანა მაღაზია: მაღაზია "დიოგენე"
აღმოსავლეთის გამოგონებ...
ირმა ტაველიძე დაიბადა 1973 წლის 20 ოქტომბერს გორში. 1995 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ფილოლოგიის ფაკულტეტი.მისი პირველი პროზაული ტექსტები 1999 წელს დაიბეჭდა. 2007 წელს გამოიცა ირმა ტაველიძის მოთხრობების პირველი კრებული „ავტობიოგრაფია ფრანგულად“. წლების განმავლობაში თარგმნიდა ინგლისურიდან და ფრანგულიდან სხვადასხვა ლიტერატურული ჟურნალისთვის. თარგმნა მიშელ უელბეკის წიგნები: „პლატფორმა“ და „სიცოცხლის გაგრძელება და სხვა ტექსტები“, ასევე - ქეთი ქანთარიასთან ერთად - ჯ. მ. კუტზეესა და პოლ ოსტერის „აქ და ახლა: წერილები (2008-2011)“. 2011 წლიდან არის შვედ და ქართველ დრამატურგთა ჯგუფის წევრი.„აღმოსავლეთის გამოგონება“ ირმა ტაველიძის მოთხრობების მეორე კრებულია. 
7.90 სწრაფი ნახვა
მიტანა მაღაზია: მაღაზია "დიოგენე"
ზღვა
ინგლისურიდან თარგმნეს ზაზა ჭილაძემ და გია ჭუმბურიძემ.თანამედროვე ირლანდიურ ლიტერატურაში ჯონ ბენვილის (1945) სახელი გამორჩეულია. მის დახვეწილ, სტილისტურად უნაკლო პროზას ხშირად ვლადიმირ ნაბოკოვისას ადარებენ. ბენვილი არაერთი ლიტერატურული ჯილდოს მფლობელია, მათ შორის ბუკერის პრემიის, რომელიც მწერალს 2005 წელს მიენიჭა რომანისთვის ”ზღვა”.”ზღვა” ხანში შესული მაქს მორდენის მონათხრობია, რომელიც მეუღლის გარდაცვალების შემდეგ  ზღვისპირა სოფელში ჩადის. იგი იხსენებს ბავშვობაში ამ ადგილას გატარებულ ზაფხულს, როცა  გრეისების ოჯახი გაიცნო - ადამიანები, რომლებმაც მის მეხსიერებაში  წარუშლელი კვალი დატოვეს. 
9.90 სწრაფი ნახვა
მიტანა მაღაზია: მაღაზია "დიოგენე"
მამაჩემი, ბობ დილანი დ...
ეს წიგნი ჩემი გაფანტული ნაწერების თავმოყრის მეორე ცდაა (პირველი ცდის შედეგი 2006 წელს გამოვიდა, „პირადი ბიბლიოთეკა“). ახლო მომავალში ალბათ კიდევ ერთიორი ასეთი წიგნი გამოვა – სხვადასხვა დროს გამოქვეყნებული ბლოგები, სტატიები, ესეები, კრიტიკული გამოხმაურებები. ამათ რომ მოვუვლი, იმედი მაქვს, საგროვებელი და თავმოსაყრელი ტექსტების გარდა გაბმული ტექსტებისთვისაც მოვიცლი.აქ მხოლოდ ბლოგები, ესეები და რამდენიმე მიმოხილვითი წერილია შესული. კრიტიკა ცალკე წიგნად დაიბეჭდება, არ მინდოდა ზედმეტად აჭრელებულიყო წიგნის ისედაც ჭრელი თემატური შემადგენლობა.„მამაჩემი, ბობ დილანი და კაცი საკაბელოდან“ რამდენიმე ნაწილისგან შედგება, აქაა ავტობიოგრაფიული ესეებიც, ბლოგები ლიტერატურაზე, მწვავე გამოხმაურებები მედიის, კულტურისა თუ პოლიტიკის საკითხებზე, მიმოხილვები (2008 წლის ომისადმი მიძღვნილი ორი დიდი მიმოხილვა, რომლებზე მუშაობის დროსაც აუარება თემაში და პუბლიკაციაში გავიხლართე), ლიტერატურული ენტომოლოგია, ქალაქი და ალტერნატიული ქალაქი, ეკოლოგია და ყოფითი ცხოვრება. ბლოგების დიდი ნაწილი რადიო „თავისუფლების“ საიტზე გამოქვეყნდა, დანარჩენები კი სხვადასხვა ელექტრონული თუ ბეჭდური გამოცემისთვის დავწერე.                                                                                                                            მალხაზ ხარბედია
7.90 სწრაფი ნახვა
მიტანა მაღაზია: მაღაზია "დიოგენე"
შევეგუებით
სპარსულიდან თარგმნეს მზია ბურჯანაძემ და თეა შურღაიამ.თანამედროვე ირანელი მწერალი ქალის, ზოია ფირზადის წიგნში გაერთიანებულია რომანი ”შევეგუებით” - რომანი, რომელიც გამოსვლისთანავე არნახულად პოპულარული გახდა და რვა წლის განმავლობაში ოცდაექვსჯერ დაიბეჭდა - და მოთხრობები. მწერლის შემოქმედებაში ორი საკითხია წამყვანი: გენდერული (რომლის საინტერესო და ორიგინალურ გააზრებას გვთავაზობს რომანი ”შევეგუებით”) და სხვადასხვა კონფესიის თანაარსებობა ისლამურ რესპუბლიკაში (რომლის ღრმა და დელიკატურ ასახვასაც წარმოადგენს სამი მოთხრობა საერთო სათაურით ”აღდგომამდე ერთი დღე რჩება”).ძნელად მოიძებნება წიგნი, რომელიც ასე ზუსტად და დეტალურად ხატავს თეირანსა და თეირანელების ყოფა-ცხოვრებას, ამ საზოგადოებაში დამკვიდრებულ ჩვევებსა და მიღებულ ქცევებს. 
14.90 სწრაფი ნახვა
მიტანა მაღაზია: მაღაზია "დიოგენე"
წებო /Marvel Solid Glu...
3.95 სწრაფი ნახვა
მიტანა მაღაზია: MINISOMINISO
ლენტი/Animal Series Un...
ლენტი/Animal Series Unique Shape Decoration Tape
5.95 სწრაფი ნახვა
მიტანა მაღაზია: MINISOMINISO
ლენტი/Floral Series Un...
ლენტი/Floral Series Unique Shape Decoration Tape
5.95 სწრაფი ნახვა
მიტანა მაღაზია: MINISOMINISO